Xaricdə təhsil almaq üçün nə etməliyik?
Həyat məqsədləri, hədəfləri olanlar və onlar uğrunda mübarizə aparmağı sevənlər üçün bənzərsizdir. Bizi daim ayaqda tutan müxtəlif xəyallarımız olar. Elə məhz xəyallarla yox öz xəyallarını yaşamaq üçün daim axtarışda olmaq, qarşıya çıxan fürsətləri dəyərləndirmək və gələcək uğurların üçün bir arzular xəritəsi yaratmaq faydalıdır. Bütün bunların hamısı bizim mənəvi dünyamızda dərin izlər buraxır, kim olduğumuzu və nə istədiyimizi xatırladır. Öz karyerasında uğurlu olan şəxsiyyətlərin əksəriyyəti gənclərə təhsillərini müxtəlif ölkələrdə davam etdirməyi şiddətlə tövsiyyə edir. Bəs xaricdə təhsil almaq bizə nə üçün lazımdır? Üstünlükləri nədir? Ümumiyyətlə xaricdə təhsil almaq üçün nə etməli, hansı addımları atmalıyıq? Gəlin bütün bu və digər suallara birlikdə aydınlıq gətirək.
Nə üçün xaricdə təhsil almaq önəmlidir?
Bəzən öyrəşmədiyimiz yeni başlanğıclarla, başqa bir yerlərdə fərqli bir həyata öyrəşməklə bağlı ehtiyat edərik. Hətta üz tutacağımız ölkə arzularımızın ölkəsi olsa belə, oraya təkbaşına yollanmaq biraz qorxulu səslənə bilər. Çünkü bu zaman öz komfort zonandan çıxaraq yeni şəhərdə tam fərqli həyata başlayırsan. İstənilən halda bəzi narahatlıqlarımızın olması normal haldır. Bəzən isəxaricdə təhsil almaq üçün nə etməli olduğumuz mövzusunda bir fikrimiz olmaz. İlk olaraq xaricdə təhsil almağın həyatımıza hansı dəyərləri qata biləcəyi ilə tanış olaq.
- Nüfuzlu universitetlərdə peşəkarlardan təhsil almaq şansı
- Məzun olduqdan sonra beynəlxalq diplomla təmin olunmaq
- Geniş karyera imkanları
- Təcrübələr və yeni bacarıqlar qazanmaq üçün əlverişli mühit
- Öz ayaqların üzərində inamla dayanmağı öyrənmək
- Getdiyiniz ölkədən asılı olaraq sürətli formada yeni dil öyrənmək şansı
- Yeni mədəniyyətlər, şəhərlər, təbiət və əyləncələr kəşf etmək şansı
- Fərqli ölkələrdən yeni dostlar
- Dünyagörüşünün artması və s.
İndi isə gəlin, xaricdə təhsil almaq üçün nə etməli olduğumuz barəsində tanış olaq
Gənclik illəri həyatımızın ən dəyərli, unudulmaz, enerji ilə bol olan dövrüdür. Bu zamanı maksimum şəkildə doya-doya yaşamaq, faydalı keçirmək önəmlidir. Çünkü məhz bu illərdə verdiyimiz qərarlar gələcək həyatımızın ilkin addımlarıdır. Necə deyərlər, bünövrəsi yaxşı inşa edilən həyatlar daha əzəmətli, qüsurları az, inamı, uğurlarla bol və başqaları tərəfindən pərəstiş edilən olar. Yuxarda saydığımız üstünlükləri nəzərə alsaq, gəncliyimizi xəyal etdiyimiz və ya sadəcə prespektivlərlə bol olan bir ölkədə yaşamaq ən böyük şanslardan biridir. Bunun üçün mütləq mənada bizə bir hərəkət planı lazımdır. Bəs bu planı tərtib edərkən hansı məqamlara diqqət etməliyik?
Hədəflərimizi müəyyən etmək
Xaricdə təhsil almaq üçün nə etməli olduğumuzu fikirləşərkən ilkin növbədə hədəflərimiz barəsində düşünməliyik.Çünkü verməli olduğumuz qərar nə qədər dərindən düşünülmüş olsa gələcək həyat planlarımız, addımlarımız da bir o qədər rahat və prespektivli olar. Məsələn, seçim etdiyimiz universitet ən münasib təhsil haqqları təklif edə bilər ki, lakin təhsil səviyyəsi, metodikası yaxud tədris dili bizim üçün bir o qədər də uyğun olmaya bilər. Məzun olduqdan sonra yaxud təhsil ilinin yarısında yenidən həmin yolu başqa universitetlərdən başlamalı olarıq. Və ya hərşeyin gec olduğunu düşünüb ürəyimizcə olmayan yerlərdə karyera qurmağa cəhd edərik. İstənilən halda hər büdrədiyimiz məqamlarda ruhdan düşməmək lazımdır. Ancaq bəzən həyat şərtlərinin, zamanın və s. bizi geri sala biləcəyindən çəkinib xəyallarımızdan uzaq həyat yaşamağa razı olarıq. Buna görə də mütləq şəkildə arzu xəritəmizi yaradıb ona uyğun hədəflərimizi yazmalıyıq. Daha sonra isə bu istiqamətdə doğru addımlar atmağa başlamalıyıq. Arzular xəritəsində xəyal etdiyimiz həyat tərzi, qazanmaq istədiyimiz bacarıqlar, səyahət etmək istədiyimiz ölkələr, öyrənmək istədiyimiz dillər və s. yer ala bilər. Hərəkət və ya hədəflər planımız isə həmin arzuları gerçəyə çevirmək üçün atmalı olduğumuz addımları özündə cəmləşdirir. Hər kəsə görə hərəkət planı dəyisə də, aşağıda qeyd olunan nüanslar əslində hədəflər planınızın əsas istiqamətlərinə daxildir.
Dil biliklərini artırmaq
Xaricdə təhsil almaq üçün nə etməliolduğumuz haqqında düşünərkən əsas diqqət etməli olduğumuz məqamlardan biri getmək istədiyimiz ölkələrdə hansı dildən daha çox istifadə olunduğunu araşdırmaqdır. Eyni zamanda unutmaq olmaz ki, xarici ölkələrdə əsasən tədris ingilis dilində aparılır. Həmçinin əksər universitetlər qəbul zamanı dil biliklərini əks etdirən sertifikatlarını, imtahan nəticələrini tələb edir. Bu baxımdan ilk mərhələdə ingilis dili biliklərini artırmaq önəmlidir. Təbii ki, müraciət edəcəyiniz universitetlərin tələb etdiyi dil biliklərini araşdırdıqdan sonra bu istiqamətdə hazırlaşmağa başlayın. Məsələn, Türkiyə universitetlərində tədris əksərən türk dilində aparıldığı üçün YÖS və ya oxşar imtahanlara hazırlaşa bilərsiniz.
Arzularınıza uyğun peşələrin ixtisaslaşdığı universitetlərlə bağlı araşdırma aparmaq
Cərrah, həkim, mühəndislik, pilotluq, aşbazlıq və s. kimi peşələrin ixtisaslaşdığı universitetlərdə təhsil alaraq diploma yiyələnmək daha prespektivli hesab olunur. Çünkü, bu zaman həm peşəkarlarla birgə biliklərinizi artırmaq və təcrübələr qazanmaq imkanı olur. Eyni zamanda ixtisaslı ali təhsil ocağının diplomu dünya ölkələrinin əksəriyyətində tanınır. Beləliklə, qarşınızda geniş karyera qapıları açıla bilir. Bəzən bəzi ali təhsil ocaqları qabiliyyət imtahanları vasitəsilə tələbələrə təqaüdlü təhsil təklif edir. Məsələn, bu kimi şansları dəyərləndirmək daha faydalı olar.
Həmin ixtisasların və ya universitetlərin gələcək üçün prestijli olub-olmamasını araşdırmaq
Təbii ki, xəyallarımıza daha yaxın olan ixtisas üzrə irəliləmək istəyərik. Ancaq texnologiya əsrində yaşadığımızı, karyera bazarının sürətlə dəyişdiyini nəzərə alsaq peşə seçərkən gələcəkdə nə qədər prestijli olub-olmamasını da düşünməliyik. Çünkü, yxın gələcəkdə sıradan çıxacaq ixtisasın diplomu ilə özümüzə karyera yolu yaratmaq nisbətən çətinləşə bilər. Eyni zamanda təhsil alacağımız universitetlərin reytinq göstəricilərinə, diplomlarının beynəlxalq səviyyədə tanınıb-tanınmamasına mütləq şəkildə diqqət etmək önəmlidir. Bunun üçün “Academic Ranking of World Universities”, “QS World University Rankings” və s. kimi beynəlxalq reytinq araşdırma şirkətlərinin siyahısına nəzər yetirə bilərsiniz.
Büdcəmizə uyğun ölkələri və ya universitetləri seçmək
Xaricdə təhsil almaq üçün nə etməlisualı öz-özlüyündə büdcəmizə uyğun münasib seçimləri necə tapa bilərik sualını da ehtiva edir. Fərqli ölkədə yeni həyata başlamaq kifayət qədər ciddi qərar olduğu üçün, əzizlərimizdən uzaq qalacağımızı nəzərə alsaq, kifayət qədər diqqətli və məsuliyyətli yanaşmalıyıq. İlk olaraq bizim üçün sərfəli olan ölkələrə, universitetlərə üz tutmaq faydalıdır. Təbii ki, həmin universitetlərin təhsil səviyyəsini, məzunlarının karyera uğurlarını da nəzərə almaq mütləqdir. Son dövrlər tələbələr üçün münasib hesab olunan ölkələr siyahısında Polşa, İtaliya, Macarıstan, Belarusiya, Litva, Latviya, Türkiyə və s. yer alır. Bu ölkələrin universitetlərini nəzərdən keçirə bilərsiniz.
Çətinlik çəkdiyimiz məqamlarda təhsil ekspertlərinə müraciət etmək
Xaricdə təhsil almaq üçün nə etməli olduğumuzu bizə ən anlaşıqlı, faydalı seçimlərlə izah edən təhsil ekspertləriylə məsləhətləşməkdə fayda var. Çünkü onlar dünyanın bir çox universitetləri ilə əməkdaşlıq edir. Nəticə etibarı ilə sizin bacarıqlarınıza və xəyallarınıza uyğun seçimlər etməyinizə yaxud daha prespektivli ixtisas, universitet seçimlərinizə dəstək ola bilərlər.
Gedəcəyiniz ölkənin həyat tərzinizə uyğunluğuna baxmaq
Sahib olduğumuz həyat prinsipləri, tərzi, vərdişlərimiz, əyləncə növləri və s. yaşayacağımız ölkə ilə uyğunlaşmalıdır. Əks halda yeni həyata başlamaq bizim üçün mümkünsüzə çevrilə bilər. Məsələn, davamlı olaraq camp etməyi sevirsinizsə, bu cür şəraitə sahib olmayan şəhərə üz tutmaq sizi xəyal qırıqlığına uğrada bilər. Odur ki, həm təhsilinizə həm də həyat tərzinizə uyğun seçimlər etməyə çalışın. Yaxud səs-küylü həyatı sevməyənlər üçün İspaniya kimi festivallar ölkəsində yaxud turistlərlə qaynayan İstanbulda yaşamaq uyğun olmaya bilər. Halbuki, hər iki ölkənin universitetləri nüfuz reytinqlərində yer alır.
Burslu təhsil təklif edən universitetlərdə şansını yoxlamaq
Xaricdə təhsil almaq üçün nə etməli deyə axtarışda olanlar üçün burslu universitetlərin siyahısını araşdırmaqda fayda var. İstənilən halda fərqli ölkədə təhsil alarkən güzəştli imkanlardan yararlanmaq işləri daha da asanlaşdırar. Xüsusilə, təhsil haqqları nisbətən baha olan ancaq nüfuz reytinqlərində lider olan qabaqcıl universitetlərdə təhsil almaqla gələcək uğurlarımızı qarantiyaya almış olarıq. Hazırda beynəlxalq tələbələr üçün Türkiyə bursları, ERASMUS, Visegrad, DAAD və s. kimi təqaüd proqramları mövcuddur. Hansı ki, bu kimi proqramlar tələbələrin təhsil haqqları, yataqxana, yaşayış və s. kimi xərclərini maliyyələşdirir.
Ölkələrdə karyera imkanlarını nəzərdən keçirmək
Əgər xaricdə təhsil almağa istiqamətlənmək məqsədlərindən biri fərqli ölkədə karyera qurmaqdırsa, bu zaman həmin ölkənin əmək bazarı imkanlarını mütləq şəkildə araşdırmaq lazımdır. Yaxud sevdiyimiz ölkədə yaşamaq üçün çalışırıqsa həmin dövlətdə də prestijli hesab olunan peşələri araşdırıb o istiqmaət üzrə təhsil ala bilərik.
Son olaraq qeyd edək ki, bu məqaləmzidə Xaricdə təhsil almaq üçün nə etməli?sualı ətrafında düşünülməli olan əsas məqamlara toxunduq. Ümumilikdə, hansı nüanslara fokuslanmalı olduğunuzu bilmək üçün hədəflərinizi müəyyən etməli və ona uyğun addımlar atmalısınız.
Xəyallarla yox, xəyal etdiyiniz həyatları yaşamağınız diləyi ilə!
1,600 total views
