Təhsil səviyyəsinin keyfiyyətinə müxtəlif amillər təsir edir. Bu səviyyənin standartlarını ən yaxşı qaydada qoruyub saxlamaq üçün bizə bu amilləri dərindən başa düşmək və onları uyğun şəkildə xeyrimizə istifadə etmək çox önəmlidir. Gəlin bu amillərə birlikdə nəzər salaq.
1. Yaxşı yatmırsınız.
Yuxu həyati bioloji funksiyadır, buna baxmayaraq bir çox tələbə yuxunun istəyə bağlı olduğunu düşünür. Yuxu rejiminin düzgün qurulmaması həm bədəninizə, həm də beyninizə milyardlarla fərqli şəkildə zərər verə bilər. Eyni zamanda bu öyrənmə prosesinin məhsuldarlığına da birbaşa təsir göstərə bilər, nəticədə sizin öyrəndiyiniz dərsin effektivliyi şübhə altında düşür.
Gününüzü xoş keçirmək və ya güc qazanmaq üçün qəhvəyə güvənirsinizsə, yanlış yoldasınız. Bunun əvəzinə cədvəl yaratmaq, dərslərlə məşğul olmaq və yatmaq üçün kifayət qədər vaxtı əhatə edən real bir plan qurmaq daha effektiv olardı. Bu çətin görünə bilər, amma milyonlarla müvəffəqiyyət qazanmış universitet tələbəsi öz uğurunu planlaşdırılmış həyata borcludur. Yoxlamaq sizdən, gələcəyiniz isə bundan asılı ola bilər.
2. Düzgün qidalanmırsınız.
Saat 08.00-da oyandınız, bir fincan qəhvə götürdünüz və dərs etmək üçün kitabxanaya yollandınız. Növbəti dəfə saata baxanda artıq 16.00 olduğunu görürsünüz və aclıq hiss edirsiniz. Sonra nə edəcəksiniz? Bir çox tələbə kimi ən yaxın qida mağazasına üz tuta, nahar yeməyinə qədər gücünüzü bərpa etmək üçün zərərli qəlyanaltılar və qazlı içkilər ala bilərsiniz. Ancaq bu doğru seçim deyil.
Az yesəniz, enerjiniz tükənəcək. Çox yediyiniz halda kökələcəksiniz. Zərərli qidalardan istifadə həm işinizin effektivliyinə, həm də sağlamlığınıza zərər vuracaq. Cədvəlinizi tərtib edərkən üç yemək daxil olmaqla müntəzəm qəlyanaltı fasilələrini də daxil etməyi unutmayın.
Bir şeyi də unutmayın ki, şirniyyat kifayət qədər xoş görünə bilər, ancaq onun əvəzinə meyvə seçdiyinizə görə peşman olmazsınız.
3. Təhsil həyatınızdaki yoldaşlarınız hər gün gördüyünüz yeganə insanlardır.
Təsəvvür edin, 2 həftə ərzində hər anınızı sinif yoldaşlarınızla keçirmisiniz, nəticədə ən yaxşı dostunuzla görüşməmisiniz və ananızın səsini belə xatırlamaqda çətinlik çəkirsiniz. Sinif yoldaşlarınızla ünsiyyətdə olmağın faydaları ola bilər, ancaq unutmayın ki, sosial dairənizdəki yeganə insanlar onlar deyil. Digər sosial qruplardan qazandığınız insanlar balansı qorumağınıza və hər kəslə bərabər vaxt keçirməyinizə kömək edə bilər.
4. Mesajları oxumağı və cavab verməyi dayandırırsınız.
Mesajları və sizə göndərilmiş e-poçtları cavabsız qoyursunuzsa, bununla siz bu ünsiyyətlərin sizin üçün nə qədər əhəmiyyətsiz olduğunu göstərmiş olursunuz. Gələnlər qutunuz həmişə spamlarla dolu kimi görünsə də, bilməli olduğunuz məlumatlar daşıyır. Mesajlarınızı yoxlamaq və onlara cavab vermək üçün gün ərzində müəyyən vaxt aralıqları təyin etməyiniz məsləhətdir. Ancaq dərs oxuduğunuz zaman kimi vacib anlarda təkrar-təkrar mesaj qutusuna qayıtmaqdan çəkinin, çünki bu ciddi vaxt israfıdır
5. Təhsil üçün motivasiyanız azdır və vacib şeyləri təxirə salmağa meyillisiniz.
Yalnız müəyyən müddət ərzində intensiv bir iş sessiyasını davam etdirə bilərsiniz. Bundan sonra artıq tempinizi davam etdirə bilməyəcəksiniz. Təəssüf ki, tələbələrin əksəriyyəti öyrənilən materialın mənimsənilməsi üçün vacib olan konsentrasiyadan məhrum olsa da, bununla belə öyrənmə prosesinə davam edirlər. Nəticədə nə əldə edirlər? Ayrılan vaxt eyni qalır, ancaq effektivlik azalır.
Uzun müddət dərslərlə məşğul olduqdan sonra və ya günün müəyyən bir vaxtında fikrinizin dağıldığını hiss etsəniz, bir az ara verməyi sınayın. Yemək, idmanla məşğul olmaq, meditasiya etmək və ya bir yaxınınızı, dostunuzu ziyarət dərslərinizə daha enerjili qayıtmağınıza kömək edəcək. Əlbəttə, əldə edəcəyiniz nəticə nə qədər çox oxuduğunuzdan deyil, nə qədər yaxşı oxuduğunuzdan asılıdır.
Son bir şey daha. Kitabxanada keçirdiyiniz 12 saat daha yaxşı performans göstərməyinizə kömək etmirsə, nəticə etibarı ilə bu mənasızdır. Bununla siz yalnız akademik nəticələrinizi deyil, həmçinin sağlamlığınızı da təhlükə altına qoyursunuz. Unutmayın, əldə edəcəyiniz nəticə nə qədər əhəmiyyətli olsa da, bu sağlamlığınızdan önəmli deyil.
Bunu da yadda saxlamaq lazımdır ki, nəzəri məlumatları öyrənib, teorem və aksiomları anladıqdan sonra motivasiyanızın davamlı şəkildə yüksək qalması üçün öz öyrəndiklərinizi onlayn sınaq imtahanlarına və test imtahanlarına qatılaraq ölçmək ağıllı qərardır. Bu mərhələdə Oxuyan onlayn imtahan platforması sizə istənilən mövzuda pulsuz sınaq imtahanları və eləcə də yüksək keyifiyyətli ödənişli test bazası təklif edir. Bu fürsətlərdən yararlanmağı unutmayın!
Əgər siz də ən son bloqlarımızı oxumaq istəyirsinizsə, Oxuyan platformasında blog bölməsini izləməyi unutmayın.
1,371 total views
