Oxuyan platforması olaraq bu günkü bloqumuzda sizə dövrümüzün ən çox istifadə olunan dili – ingilis dili, ingilis dili testləri və onların düzgün şəkildə həll edilməsi ilə bağlı bir çox məlumatları bölüşəcəyik. Babbelin sözlərinə görə, dünyada 1,5 milyard insan ingilis dilində danışır. Dünyada üçüncü ən çox danışılan dil olan ingilis dili 118-dən çox ölkədə və bütün dünyada ticarət dili və ya diplomatik dil kimi geniş şəkildə istifadə və tədris olunur. Bu dil elmin, aviasiyanın, kompüterlərin, diplomatiyanın və turizmin dilidir. Nəhayət, o, beynəlxalq ünsiyyətin, medianın və internetin dilidir. İngilis dilini xarici dil və ya ikinci dil kimi öyrənmək insanın həyatında bir çox fayda verə bilər.
İngilis dili nə üçün vacibdir?
İstər yeni iş axtarır, istərsə də dünyanı səyahət etməyi planlaşdırırsınızsa ingilis dilini öyrənmək həm şəxsi, həm də peşəkar şəkildə həyatda irəliləyişinizə kömək edə bilər. Qlobal iş bazarında rəqabət apara, karyera bacarıqlarınızı artıra və bütün dünyada insanlarla tanış olmağa başlaya bilərsiniz. Lakin danılmaz faktdır ki, imtahandan keçmək bir dildə danışmaqdan çox fərqlidir. Testdən keçməyi öyrənmək bilik və bacarıqlara sahib olmaq qədər vacib olmasa da, uğura aparan yolda mühüm addımdır.
Azərbaycan təhsil sistemində ingilis dilinin önəmi.
Bildiyiniz kimi, bütün dünyada olduğu kimi ölkəmizdə də ingilis dilinə əsaslı şəkildə önəm verilir və həm 11 illik təhsil sistemində orta məktəb və liseylərdə, həm də ali məktəblərdə bir və ya neçə semester ərzində tədris olunur. Bununla yanaşı, ölkəmizin ali məktəblərinə bakalavr və magistratura səviyyəsinə qəbul imtahanlarında xarici dil olaraq, habelə, ixtisası ingilis dili olan müəllimlərin işə qəbul imtahanlarında da ingilis dili fənni ilə qarşılaşmaq mümkündür.
İngilis dilini necə effektiv şəkildə öyrənmək olar?
Əvvəlcə dilin sözlərini, qrammatikasını və strukturlarını öyrənməlisiniz. Paralel olaraq, bu dildən mütəmadi şəkildə istifadə etməlisiniz (bu, həm də onu öyrənməyin ən yaxşı yollarından biridir). Bundan əlavə, keçirilən hər mövzuya aid ingilis dili fənnindən çoxlu onlayn sınaq testləri işləmək şagirdlərin bilik və bacarıqlarının möhkəmlənməsində müstəsna rol oynayacaqdır.Yeni dilimizlə səriştəlilik səviyyəmizi təsdiqləmək üçün istifadə olunan üsul budur. Onlayn şəkildə ingilis dili testləri həll etmək istəyənlər oxuyan.az platformasına daxil olaraq asanlıqla müxtəlif mövzularda sınaq testləri işləyə bilərlər.
İngilis dili imtahanlarında uğur qazanmağın yolları
Əvvala, onu qeyd edək ki, istənilən fənn kimi ingilis dilində də uğurlu nəticə əldə etmək istiyirsinizsə, bilməlisiniz ki, bunu bir neçə həftə ərzində əldə etmək mümkün deyil, ancaq uzunmüddətli təhsil müddətində əldə etmək mümkündür. Ona görə də intensiv qısa müddətli hazırlığın faydası azdır. Buna baxmayaraq, əgər son bir neçə il ərzində ingilis dilində oxu materiallarına çox məruz qalmamısınızsa, test tarixi yaxınlaşdıqca müxtəlif mətnləri oxuyaraq bacarıqlarınızı yeniləməyiniz tövsiyə olunur. Həmçinin, testin tələbləri ilə tanış olmanız tövsiyə olunur.
Buraxılış imtahanlarına hazırlaşan abituriyentlər üçün məsləhətlər
Əvvəldə qeyd etdiyimiz kimi onlayn sınaq imtahanları rəsmi buraxılış imtahanında uğurlu nəticə əldə etməyinizdə müstəsna rola oynayacaq. Buraxılış imtahanları ilə bağlı ətraflı məlumat almaq istəyirsinizsə 9-cu sinif buraxılış imtahanı və Attestat imtahanları bloqlarımıza daxil olaraq daha detallı informasiya əldə edə bilərsiniz. Bununla yanaşı, biliklərinizi sınamaq məqsədilə 9-cu və 11-ci sinif buraxılış imtahanlarında pulsuz şəkildə iştirak edərək testin formatı və sual növləri ilə tanış ola bilərsiniz. Qeyd edək ki, istənilən halda tapşırıqları həll edən zaman sualları imtahan ərzində qarşılaşacağınız şərtlərə mümkün qədər oxşar şərtlərdə cavablandırmağa çalışın: vaxt məhdudiyyətləri daxilində saxlayın və cavablarınızı hər bir testi müşayiət edən cavab vərəqində qeyd edin.
Araşdırmalar göstərir ki, sınaq imtahanlarında iştirak etmiş insanlar, rəsmi imtahan zamanı daha az narahatlıq hiss edirlər.
Müəllimlərin işə qəbulu imtahanında ingilis dili testləri
MİQ imtahanı (və ya Müəllimlərin işə qəbulu üzrə imtahan) pedaqoji sahədə təhilini bitirmiş məzunların orta məktəblərdə işləmək arzusunu reallaşdıracağı imtahandır. Qeyd etmək lazımdır ki, test imtahanında hər bir namizədə onun ixtisası üzrə ümumi təhsil müəssisələrinin fənn proqramlarına aid 40 sual, tədris metodikası və təlim strategiyalarına aid 20 sual təqdim edilir. Yəni əgər siz ingilis dilini tədris etmək istəyirsinizsə bu fəndən 40 sualla qarşılaşacaqsınız. Hər zaman olduğu kimi ölkəmizin gələcəyini formalaşdıran əziz müəllim namizədlərinə də çox sayda sınaq imtahanlarında iştirak etməyi tövsiyə edirik. İmtahanın formatı ilə bağlı geniş məlumat almaq istəyirsinizsə veb-saytımızda ən çox marağa səbəb olmuş bloqlarımızdan birini oxumağa dəvət edirik.
İngilis dili testlərini həll edərkən ən əsası tələskənliyə yol verməməyə çalışın.
Tələsmək istənilən halda testləri yanlış cavablandırmağımıza səbəb ola və uğursuzluğa gətirib çıxara bilər. İngilis dili testlərində yaranmış ən geniş səhvlərdən biri təsdiq və inkar mənalı sözlərə, sinonim və antonimlərə diqqət etməmək və ya sualı sürətli şəkildə oxuduğumuza görə əslində çox sadə məzmunu olan sualları düzgün təhlil edə bilməməyimizdir. Bu məqamda diqqətinizi çəkən məqamları nəzərdən qaçırmamaq üçün qeyd etməklə beyninizə siqnal göndərə bilərsiniz.
İngilis dilində filmlərə baxın və kitablar oxuyun.
Beləliklə, siz təhsili istirahətlə birləşdirə bilərsiniz və beyniniz qurulmuş nitq nümunələrini, ifadələri, yeni sözləri, eləcə də bir çox digər faydalı məlumatları avtomatik olaraq düzəldəcək və yadda saxlayacaqdır.
Son olaraq, hər hansı bir imtahandan keçməyin nə qədər çətin və stressli olduğunu hamımız bilirik. Çox vaxt tələbələrin hazırlaşmaq üçün fiziki olaraq kifayət qədər vaxtı olmur. Müasir təhsil sistemində onlayn sınaq testlərinin əhəmiyyətini bir daha qeyd edərək ümid edirik ki, bu məqalədəki məsləhətlər sizə faydalı olacaq və ingilis dili imtahanına hazırlaşmağınıza kömək edəcək. Sizə ingilis dili imtahanında mükəmməl nəticə əldə etməyi arzulayırıq!
3,193 total views
