Əziz oxuyanlar, hər zaman olduğu kimi, bu dəfə də çox maraqlı bir mövzu ilə qarşınızdayıq. Oxuyan.az platformasının növbəti yazısında sizlərlə Azərbaycan Dövlət Neft və Sənaye Universitetinin (ADNSU) haqqında bəzi məlumatları və həmçinin, mövcud MBA ixtisasları barəsində məlumatları bölüşəcəyik. 101 illik zəngin bir tarixə malik olan ADNSU (keçmiş Azərbaycan Dövlət Neft Akademiyası) Azərbaycan təhsilinin inkişafında və o cümlədən, bir birindən savadlı kadrların yetişdirilməsində əvəzsiz rol oynamışdır. Nümunə olaraq, hər kəsin yaxşı tanıdığı Azərbaycan Respublikası Dövlət Neft Şirkətinin birinci vitse-prezidenti Xoşbəxt Yusifzadəni qeyd edə bilərik.
ADNSU-nun tarixi haqqında
Azərbaycan Dövlət Neft və Sənayə Universitetinin əsası 16 noyabr 1920-ci ildə qoyulmuşdur. Universitet Bakı şəhəri Azadlıq prospekti 20 ünvanında yerləşir. Hal-hazırda ali təhsil mərkəzində təhsil alan tələbələrin sayı 10092 nəfərdir. 16 noyabr 1920-ci ildə Azərbaycan İnqilab Komitəsinin “Bakıda Politexnik institutunun yaradılması haqqında” qərarı qəbul edildi. Uzun müddət ali təhsil müəsisəsi Azərbaycan Dövlət Neft Akademiyası olaraq adlandırılmışdır. Azərbaycan Respublikasının Prezidentinin 3 sentyabr 2015-ci il tarixli Sərəncamına əsasən Azərbaycan Dövlət Neft Akademiyası Azərbaycan Dövlət Neft və Sənaye Universiteti olaraq adlandırılmışdır.
ADNSU: İxtisaslar
Əvvəlcədən də bildirdiyimiz kimi, ADNSU zəngin tarixi keçmişə malik olan ali təhsil müəssisələrindən biridir. Burada həm bakalavr təhsili, həm magistratura təhsili, həm də doktorantura təhsili almaq mümkündür. Azərbaycan Respublikası müstəqillik əldə etdikdən sonra bu təhsil mərkəzi həm yerli, həm də xarici universitetlərin təcrübələrindən istifadə etməyə və ikitərəfli əməkdaşlıqları gücləndirməyə başlamışdır. Hal-hazırda ADNSU-da aşağıdakı fakültələr fəaliyyət( nümunə olaraq hər fakültəyə aid bir neçə ixtisas veriləcəkdir) göstərir. Mövcud ixtisaslar barəsində qeyd edilmiş linkə (http://asoiu.edu.az/az/page/93-ixtisaslar) keçid edərək ətraflı məlumat əldə edə bilərsiniz.
Bakalavr təhsili üçün mövcud fakültələr və ixtisaslar:
Geoloji kəşfiyyat fakültəsi
050602 Geologiya mühəndisliyi
050604 Geofizika mühəndisliyi
050605 Dağ-mədən mühəndisliyi
Qaz-Neft mədən fakültəsi
050606 Neft-qaz mühəndisliyi
050607 Neft-qaz qurğuları mühəndisliyi
Kimya texnologiyası fakültəsi
050641 Kimya mühəndisliyi
050651 Fövqaladə hallar və həyat fəaliyyətinin təhlükəsizliyi mühəndisliyi
Neft-Mexanika mühəndisliyi fakültəsi
050610 Enerji maşınqayırması mühəndisliyi
050630 Mexanika mühəndisliyi
050646 Təkrar emal və bərpa texnologiyaları mühəndisliyi
Energetika fakültəsi
050608 Elektroenergetika mühəndisliyi
050626 Elektrik mühəndisliyi
050609 İstilik energetikası mühəndisliyi
İnformasiya Texnologiyaları və İdarəetmə fakültəsi
050627 Elektronika. telekommunikasiya və radiotexnika mühəndisliyi
050628 Proseslərin avtomatlaşdırılması mühəndisliyi
050631 Kompüter mühəndisliyi
050655 İnformasiya texnologiyaları
050656 Sistem mühəndisliyi
İqtisadiyyat və idarəetmə fakütəsi
050401 Dünya İqtisadiyyatı
050405 Sənayenin təşkil olunması və idarəedilməsi
Magistratura təhsilinə uyğun gələn fakültələr demək olar ki, bakalavr üçün təqdim edilmiş fakültələrlə eynidir. Burada mövcud olan ən böyük fərq ixtisasların sayının artması və ixtisasların bakalavr təhsili ilə müqayisədə daha da spesifikləşdirilməsindədir. Bəzən tələbələr magistraturaya ixtisas seçimi edərkən öz bakalavr ixtisaslarından kənar bir sahəyə meyillənmək istəyirlər. Çox təəssüf ki, Azərbaycanda magistr təhsili bakalavr ixtisasından kəskin uzaq ola bilməz, yəni məzunların proqram seçmək imkanı onların ixtisaslarından asılı olaraq məhdud olur. MBA yeganə proqramdır ki, ixtisasından asılı olmayaraq onu hər bir bakalavr onu seçə bilər. Bəs MBA nədir və ADNSU-da hansı MBA üzrə hansı sahələrdə tədris almaq olar?
ADNSU-da MBA: mövcud ixtisas seçimləri
MBA (Master of Business Administration) – idarəetmədə ixtisas dərəcəsidir. Adətən MBA proqramı üzrə tədris dövrü iki ilə qədər vaxt aparır və tədris əsasən ingilis dilində təşkil edilir.ADNSU-da MBA ixtisası aşağıdakı sahələr üzrə həyata keçirilir.
060407 Menecment
Menecment idarəetmə münasibətlərini formalaşdıran və tənzimləyən idarəetmə prinsiplərini və dəyərini araşdırır. O, təşkilatın daxili və xarici mühit amilləri arasında qarşılıqlı dinamikanı və münasibətləri müəyyənləşdirir. Menecment və ya idarəetmə işgüzar təşkilatın məqsədlərinə çatmaq üçün istifadə olunan metodları, o cümlədən iqtisadi, inzibati, sosial-psixoloji metodları və onların elementlərini öyrənir.
060409 Biznesin təşkili və idarə edilməsi
Biznesin idarə edilməsi ixtisasının məqsədi tələbələrə biznes fəaliyyətinin səmərəli təşkili və idarə edilməsinin əsas prinsip və metodları barədə nəzəri və praktiki biliklərin verilməsidir. İqtisadiyyatla maraqlananlar üçün çox uyğun sahədir. Bu ixtisas iş proseslərinin inkişafı və optimallaşdırılması üçün məsul şəxslər yetişdirir.
060632 İdarəetmədə informasiya sistemləri
İdarəetmədə informasiya sistemləri üzrə magistr proqramı-kompüter dizaynı, təhlili və tətbiqi əsasları üzrə təhsil proqramıdır. Magistrantlar kompüterləşdirilmiş informasiya sistemlərinin tətbiqi, internet texnologiyaları, o cümlədən müasir texnoloji biznesin qurulmasını burada öyrənirlər. Magistrlar bu proqramı bitirdikdən sonra strateji planlaşdırma texnologiyalarına, mövcud və yeni problemlərin həllində tətbiq edilə biləcək bacarıqlara malik olacaqlar.
Bildirmək istırdik ki, yuxarıda qeyd edilmiş hər 3 ixtisas ödənişlidir və qəbul prosesi (keçid balı və kodlaşdırma) bu ixtisaslara DİM-in həyata keçirdiyi magistratura imtahanları vatəsilə tənzimlənilir. Təhsil haqqı və mövcud plan yerləri haqda məlumatı Magistrlar üçün nəzərdə tutulmuş jurnallardan əldə etmək mümkündür.Məlumat üçün bildirmək istərdik ki, bu il ixtisaslar üzrə təhsil haqqı 2800 Azn-dir. Dərslər işləyən tələbələri nəzərə almaqla axşam növbəsində ( həftə içi 5 gün saat 18.30-dan sonra) həyata keçirilir. Tədrisi həyata keçirən hər bir müəllim xaricdə təhsil almış və hal-hazırda SOCAR və ya transmilli şirkətlərdə rəhbər vəzifələrdə yer tutmuş şəxslərdir. ADNSU-da MBA təhsili almaq magistrantların bilik və bacarıqlarının inkişafında və onların sosial ətrafının genişlənməsində müstəsna rol oynayacaqdır.
Sonda oxuyan.az komandası olaraq hər bir tələbəyə uğurlar arzu edirik və inanırıq ki, bu günün gəncləri çox qısa vaxt ərzində nəinki Azərbaycanın, həmçinin dünyanın dörd bir yanında təhsildə, siyasətdə, iqtisadiyyatda əsas rol oynayan idarəçilərdən olacaq.
8,406 total views
