Bu bloqumuzda onlayn sınaq və imtahan sisteminin müsbət və mənfi tərəfləri haqqında danışacağıq. Bu bloqu oxumazdan əvvəl sizə çatdırım ki, nəzəri məlumatları öyrənib anladıqdan sonra öz öyrəndiklərinizi onlayn sınaq imtahanlarına və test imtahanlarına qatılaraq ölçmək ağıllı qərardır. Bu mərhələdə Oxuyan onlayn imtahan platforması sizə istənilən mövzuda pulsuz sınaq imtahanları və eləcə də yüksək keyifiyyətli ödənişli test bazası təklif edir. Bu fürsətlərdən yararlanmağı unutmayın!
Əgər siz də ən son bloqlarımızı oxumaq istəyirsinizsə, Oxuyan platformasında blog bölməsini izləməyi unutmayın.
Onlayn sınaq imtahanı sisteminin tətbiqi: necə işləyir, hansı müsbət və mənfi tərəfləri var?
Son dövrlərdə təhsil sistemi sürətlə texnoloji inkişafa yönəlir. Təlim idarəetmə sistemləri və ağıllı sinif otaqlarının tətbiqi ilə müəllimlərə daha interaktiv tədris mühiti yaratmaq və gedişatı daha rahat şəkildə izləmək imkanı təqdim edilir.
Onlayn imtahan sisteminin yaranması şərti qiymətləndirmə sisteminə də yeniliklər gətirdi. Bu gün texnoloji dünyada müəllimlər tamamilə və ya qismən avtomatlaşdırılmış qiymətləndirmə sistemindən istifadə edir və qiymətləndirmə prosesini hərtərəfli, dəqiq və sürətli şəkildə həyata keçirir. Texnoloji təkamül yalnız müəllimlərin işini asanlaşdırmayıb, eyni zamanda şagirdlər və imtahan verənlər də texnoloji yeniliklərdən sevə-sevə istifadə edirlər.
Bəs onlayn sınaq imtahanı sistemi nədir?
Onlayn imtahan sistemi bir çox xüsusiyyətləri və funksiyaları olan onlayn əsaslı sınaq testlərinin təşkilini həyata keçirir. Bu sistem testlərin yaradıldığı, paylaşıldığı və qiymətləndirildiyi onlayn imtahan proqramıdır. Onlayn imtahan sisteminin faydaları danılmazdır. Məqsəd ənənəvi imtahanlarda kütləvi istifadə olunan kağızdan asılılığı azaltmaq və oflayn imtahanlarda əlavə zəhmət tələb edən hər cür fəaliyyəti minimallaşdırmaqdır.
Onlayn sınaq imtahanı sistemi necə işləyir?
Onlayn imtahan sistemində əvvəldən sona qədər kağıza əsaslanan imtahanlarda yerinə yetirilən bütün proseslər, addımlar onlayn qiymətləndirmə proqramının istifadəsi ilə rəqəmsallaşdırılır. Bəs onlayn imtahan platformasının tətbiqi ilə prosesin avtomatlaşdırılması hansı formada həyata keçirilir?
İmtahanın yaradılması
İdarəçiyə interaktiv və effektiv onlayn imtahan yaratmaq şansı verilir. Onlayn imtahan yaratma platforması subyektiv, obyektiv və ya birdən çox cavab seçimi olan müxtəlif sual növlərinin yaradılması üçün test şablonları təqdim edir. Sualların seçimi mövcud test kitabxanasından həyata keçirilə və ya test yaradıcısı yalnız bir kliklə yeni suallar toplusu yarada bilər.
İmtahanın aparılması
Onlayn imtahan dedikdə yalnız sadə testlər nəzərdə tutulmur, burada böyük miqyaslı sınaqların və yarışların təşkili də mümkündür. Onlayn imtahan proqramı eyni zamanda böyük bir tələbə kütləsini qəbul etmək xüsusiyyətinə malikdir. “Namizəd rəhbərliyi” funskiyası böyük bir namizəd qrupuna sistematik şəkildə imtahan keçirilməsinin mümkünlüyünü artırır. Bu funksiya vasitəsilə sınaq imtahanında iştirak edən namizədlər öz qrupları üzrə təsrifləndirilir və imtahan zamanı iştirak edən qrupların uyğun testlərdən istifadəsi təşkil olunur.
İmtahanın hazırlanması
Onlayn imtahan keçirildiyi zaman testin etibarlılığını və etimadlılığını təmin etmək üçün yüksək nəzarət prioritet olmalıdır. İmtahanın əvvəlində namizədin identifikasiyası təmin edilir və imtahan başlayanda bütün sessiya səs və video şəklində yazılır.
İmtahanın qiymətləndirilməsi
Hər hansı imtahanın son və ən vacib hissəsi nəticə, hesabat və rəydir. Onlayn imtahan sistemi daha dəqiq, sürətli və əhatəli hesabat sistemi təqdim edir. Proqram dərhal imtahan yaradıcısının təyin etdiyi qaydalara uyğun olaraq nəticəni hesablaya bilir. Daha sonra imtahanın hər bir fənni (riyaziyyat, fizika, tarix və s.), bölməsi və sualı üzrə ayrılıqda nəticələrin hesabatı hazırlanır.
Kim onlayn sınaq imtahanı sistemindən istifadə edir?
Onlayn qiymətləndirmə prosesini asanlaşdırmaq üçün institutlar, kolleclər, universitetlər, hökumət və korporativ təşkilatlar tərəfindən onlayn imtahan sistemi geniş istifadə olunur.
Onlayn imtahan təhsil müəssisələrinə necə kömək edə bilər?
Hər il təhsil müəssisələri imtahan təşkil etmək və minlərlə cavab skriptini qiymətləndirmək kimi olduqca çətin bir vəzifə ilə qarşılaşırlar. İmtahan nəticələrinin yoxlanılması prosesi çox vaxt aparır, streslidir və tez-tez məxfilik və qərəzsiz qiymətləndirmə ilə əlaqədar narahatlıqlar yaradır.
Onlayn imtahan platformaları müəllimlərə imtahanın təşkilinin asanlaşdırılmasında və nəticələrin yoxlanılmasında meydana çıxacaq əngəllərin aradan qaldırılmasında kömək edir.
Onlayn imtahan sisteminin bir sıra müsbət və mənfi tərəfləri var:
Müsbət cəhətləri
– Məkan və coğrafi məhdudiyyətlər istisna olmaqla onlayn imtahandan istənilən şəxs və ya şəxslər istifadə edə bilər.
– Sərfəlidir və vaxt itkisinin qarşısını alır.
– Lojistik, nəzarətçilərin təşkili və digər növ əl işlərindən asılılıq aradan qaldırılır.
– İmtahana gedərkən nəqliyyatda vaxt itirmək lazım olmur.
– Kağızdan asılılıq azalmış olur və beləliklə, ekologiyaya dəymiş ziyan nisbətən azaldılır.
Mənfi cəhətləri
– Ucqar kənd yerlərində və ya zəif internet bağlantısı olan yerlərdə onlayn system o qədər də əlçatan olmur.
– Brauzeri aktiv olan cihaz tələb olunur.
1,125 total views
