5-ci sinif ümumi orta təhsil həyatının ilk və şagirdlərin ən çox çətinlik çəkdiyi illərdən biri hesab olunur. İbtidai sinifi bitirmiş hər bir şagird artıq dünyaya daha geniş pəncərədən baxmağa, yerli və dünya ədəbiyyatı, təbiət, ətraf mühit, dünya tarixi, coğrafiyası və müxtəlif mədəniyyətlər haqqında daha dərin məlumatlar əldə etməyə başlayır. Bu dövrdə şagirdlərdən daha çox araşdırma edib yeni məlumatlar əldə etmələri tələb olunur. 5-ci sinif testləri və 5-ci sinif sınaq imtahanları ilə tanış ola bilərsiniz.
Bəs 5-ci sinif proqramı əsasında əldə edilmiş məlumatları necə uzunmüddətli yadda saxlamaq mümkündür?
Əlbəttə ki, bu sualın cavabı çox sadədir: Mütəmadi şəkildə təkrar etməklə.Necə deyiblər, ”Təkrar biliyin anasıdır”. Neyrofizioloji tədqiqatlar göstərir ki, öyrənmənin vacib komponentlərindən biri beyindəki naqillərin əlaqələrini gücləndirməyə kömək edən təkrar etmək və ya təcrübədən keçirməkdir.
Bu, məlumatı yadda saxlamağa və öyrənməyə kömək edir. İnformasiyanı ilk dəfə öyrəndiyiniz zaman elə düşünə bilərsiniz ki, siz artıq onu tamamilə bilirsiniz və onu unutmağın heç bir yolu yoxdur, amma yanılırsınız!
Əgər əldə etdiyiniz informasiyanı heç vaxt nəzərdən keçirməsəniz, nəticədə onu unudacaqsınız. Velosiped sürməyi və ya yeni bir məşğuliyyət əldə etdiyiniz zamanı xatırlayın. Əvvəlcə əsas bacarıqları öyrənməlisiniz. Sonra isə bunları təkrarlayaraq bu işin ustasına çevrilə bilərsiniz.
Məlumatı yenidən nəzərdən keçirərkən, beyinə müəyyən siqnallar gedir və beyninizdəki əlaqələr daha da güclənir. Beləliklə, sizin öyrəndiyiniz məlumatlar qısamüddətli yaddaşdan uzunmüddətli yaddaşa keçid etməyə başlayır.
Öyrəndiklərinizi başqalarına öyrətməyə çalışın.
Öyrətmə-öyrənmə metodunun effektivliyi bir çox araşdırmalar zamanı sübut edilmişdir. Öyrəndiklərini öyrətmək üçün vaxt sərf edən şagirdlər, eyni vaxtı yenidən oxumağa sərf edən şagirdlərdən daha yaxşı anlaya və biliyi uzun müddət saxladıqlarını nümayiş etdirirlər.
Araşdırmalar göstərir ki, müəllimlər belə səhv edirlər və tədris müəllimə öyrəndiklərini daha yaxşı başa düşməyə və yadda saxlamağa kömək edir. Bu halda onlar etdikləri səhvi necə düzəltməyi öyrənməlidirlər.
Tədqiqatlar göstərir ki, dərs deyərkən səhv etdiyiniz zaman geri qayıdıb işinizi yoxlamaq sizi tapşırığın prosesləri ilə daha yaxından tanış edir. Başqa sözlə, öyrətməyin öyrənmə faydası sadəcə olaraq məşhur “sınaq effektinin” başqa bir təzahürüdür – bu, əvvəllər öyrəndiklərimizi ağlımıza gətirməklə, məlumatı daha dərindən və daha uzunmüddətli mənimsəməyə gətirib çıxarır.
Bəs 5-ci sinif şagirdi necə müəllim vəzifəsini yerinə yetirə bilər?
Müəllim rolunu icra etməyin bir çox yolu var. Sizin tədris sertifikatı almanıza və ya öz Udemy kursunuzu yaratmağa ehtiyacınız yoxdur. Siz bunu daha qeyri-rəsmi, daha az strukturlaşdırılmış miqyasda, kiçik qrupda və ya təkbətək edə bilərsiniz. Siz buna dostunuza, bacı və ya qardaşınıza öyrəndiyiniz dərsləri izah etməklə başlaya bilərsiniz.
5-ci sinif materialı əsasında hazırlanmış sınaq imtahanlarında iştirak edin.
Əlbəttə ki, sınaq imtahanlarında iştirak etməyiniz sizə mövzuları mənimsəmə səviyyənizin müəyyənləşdirməniz üçün nəzərdə tutulub. Rəqəmsal dünya, qiymətləndirmə ətrafında yenilikçi olmaq üçün getdikcə daha çox imkanlar gətirir.
Müxtəlif rəqəmsal vasitələr və istənilən vaxt hər yerdə məlumatın geniş yayılması ilə, orta məktəblərdə tədrisin keyfiyyətini yüksəltmək və qiymətləndirmək üçün müxtəlif yanaşmalarından yaradıcı şəkildə istifadə etmək mümkündür.
Oxuyan.az platformasına daxil olaraq, istənilən fənn üzrə (riyaziyyat, kimya, fizika, tarix, ingilis dili, azərbaycan dili və.s) çox saylı sınaq testlərində və imtahanlarında iştirak etmək sizə 5-ci sinifdə əldə etdiyiniz bilikləri qiymətləndirmə bilərsinir.
Eyni zamanda, bu testlər yeni məlumat əldə etməzdən əvvəl əsas məqamları nəzərdən keçirmək məqsədi daşıyır. Başqa sözlə, şagirdlərin növbəti hissəyə keçməzdən əvvəl məlumatları uğurla mənimsəmələrini təmin etmək üçün mini-testlər istifadə olunur.
Onlayn sınaq testlərinin təhsildəki rolu nədən ibarətdir?
Bu tip onlayn sınaq testləri sizə səhv etmə azadlığı verərək özünüqiymətləndirmə vasitəsi kimi xidmət edə bilər. Bir sinifdə çətin və düşündürücü bir sualla üzləşdiyinizi düşünün. Siz sualı həll etmək istəsəniz belə bir çox hallarda uğursuzluq qorxusu ilə üzləşə bilərsiniz.
Ancaq onlayn sınaq testlərində hər kəsin özünü göstərməsi, fikirlərini sınaması və səhv etmə sərbəstliyi yer alır. Bu, öyrənənlərə nəyi bildiklərini, nəyi bilmədiklərini, nəyə diqqət etməli olduqlarını və necə təkmilləşdirməli olduqlarını anlamağa imkan verir.
Bəs 5-ci sinif şagirdlərinə müxtəlif fənlər tədris edən müəllimlər dərsin keyfiyyətini artırmaq üçün nələr edə bilər?
21-ci əsr tədris forması dəyişib. Tədris texnikanızın bir hissəsi kimi tez-tez mini-testlərdən və ya onlayn sınaq imtahanlarından istifadə edin. Həftəlik, hətta gündəlik sınaqlar şagirdlərə öyrəndiklərini praktikada tətbiq etməyə kömək edəcək.
Bu praktiki təkrarlama şagirdləri standartlaşdırılmış testlər və yekun imtahanlar kimi daha yüksək riskli imtahanlara hazırlaşmağa yardım edəcək. Oxuyan.az platformasının ən sevimli resurslarından biri də elə onlayn sınaq imtahanlarının təşkilidir.
Bu tip onlayn sınaqlar şagirdlərinizə yeni mövzular haqqında öyrənmə marağı stimullaşdırmaqla yanaşı, mövcud bilikləri tətbiq etməyə kömək edəcək.
5-ci siniflər üçün nəzərdə tutulmuş bilik yarışlarında və ya olimpiadalarda iştirak edin.
Bu sizi digər şagirdlərlə rəqabət mühitində olduğunuzu hiss etdirərək inkişaf etməyinizə səbəb olacaq. Təhsil sistemində sağlam rəqabət vacibdir. Rəqabət kimin birinci və ya sonuncu olması ilə bağlı deyil. Uğursuzluqla üzləşməyi sizə öyrətməklə intizamı aşılamaq məqsədi daşıyır.
Şagirdlərin yaradıcılıq qabiliyyətlərini və bacarıqlarını inkişaf etdirmələrinə kömək edir. Bu, həm də onların özünə hörmətini artırır, daha yaxşı olmağa həvəsləndirir və zehni cəhətdən güclü edir. Oxuyan.az platforması sizi 5-ci sinif Dünya Riyaziyyat Olimpiadasında iştirak etməyə vəsiqə qazanmaq üçün onlayn sınaq imtahanına dəvət edir.
Müasir dövr şagirdləri rəqabətli imtahanlar əsasında qəbul edən akademik və peşəkar sahələrə daxil olmaq üçün rəqabət qabiliyyətli olmağı tələb edir. Qazanmaq isə sadəcə əlavə bonusdur.
Əgər siz də ən son bloqlarımızı oxumaq istəyirsinizsə, Oxuyan platformasında blog bölməsini izləməyi unutmayın. İmtahanlara hazırlaşmaq üçün isə online imtahanlar bölməmizi ziyarət edə bilərsiz. Oxuyan komandası sizə təhsil həyatınızda uğurlar arzu edir.
1,539 total views
