3-cü ixtisas qrupu əsasən humanitar fənnlərdən ibarətdir. Bu qrupun ixtisaslarının giriş balları digər qrup ixtisaslarına nisbətən daha yüksəkdir, özündə böyük məsuliyyət tələb edən prestijli sahələr barındırır. İlk təşkil olunduğu gündən, 3-cü qrup, ən çox abituriyentin seçdiyi qrupdur. 3-cü qrup ixtisaslarının çeşidliliyin çox olması ilədə fərqlənir.
3-cü İxtisas Qrupunun Fənləri
Dediyimiz kimi bu qrup tarix, ədəbiyyat kimi humanitar fənləri özündə cəmləşdirir. Qəbul imtahanının birinci mərhələsində (buraxılış) ilk 3 fəndən imtahan verilir: Azərbaycan dili, Riyaziyyat və Xarici dil. Hər 3 fənn 100 baldan hesablanır. Sonda 3 fənnin də balı toplanılır və birinci mərhələnin balı müəyyən edilir.
Qəbul imtahanının ikinci mərhələsində (blok) yenidən 3 fəndən imtahan verilir. Amma digər qruplardan fərqli olaraq aparıcı fənn riyaziyyat yox, Azərbaycan dilidir. Ona görədə hər iki mərhələdə Azərbaycan dilindən imtahan verilir. Bu mərhələdə Azərbaycan dili və ədəbiyyat 100, tarix 200 bal üzərindən hesablanır. Sonda ümumi nəticə öyrənilir və birinci mərhələ ilə toplanılır.
3-cü Qrupun ixtisasları
Yeni qərara əsasən, 2022-2023-cü illərdə keçiriləcək qəbul imtahanı zamanı 2 altqrup yaradıldığı üçün abituriyentlərdən əlavə olaraq coğrafiya fənni üzrə imtahan da tələb olunacaq. Belə ki, II ixtisas qrupundan “Beynəlxalq münasibətlər” və “Regionşünaslıq” ixtisasları çıxarılaraq III ixtisas qrupuna daxil edilib. Bu səbəbdən həmin ixtisasları seçən abituriyentlərdən ikinci mərhələdə coğrafiya fənni ilə yanaşı, Azərbaycan dili və tarixi fənlərindən də imtahan vermələri tələb olunur.
Eyni zamanda, “Jurnalistika” fakültəsini seçən abituriyentlər 200 bal topladıqları halda qabiliyyət imtahanı verməlidirlər. Gəlin bu qrupun ixtisaslarına göz gəzdirək.
Sosial iş-cəmiyyətin müxtəlif təbəqələri(ailə şəraitindən uzaq düşmüş uşaqlar, əlillər, yaşlılar, hüququ pozulmuş insanlar,ölümcül xəstəliklərə yoluxmuş insanlar) ilə əlaqədə olur, onların rastlaşdığı təhlükəli, çıxılmaz vəziyyətlərin həll yollarının tapılması üçün çalışırlar.
Hüquqşünaslıq-bu qrupdaki abituriyentlərin bu ixtisasa böyük marağı vardır. Hüquqşünaslar hüquqları korlanmış insanların hüquqların qorunmasında, ədalətin bərqərar olunmasında aktiv fəaliyyətdə olmalıdırlar. Ümumi olaraq bildiyimiz insan hüquqlarının altında olan dərin, konstitusiya tərəfindən təsdiqlənmiş hüquqlarda var və onların təhlükəsizliyinin qorunmasında hüquqşünaslar çox önəmli rola sahibdirlər.
Jurnalistika-sözlərdən və faktlardan düzgün istifadə etməklə obyektiv, dəqiq və qərəzsiz məlumat çatdıran bir peşədir. İxtisas siyasi, bədii, idman, əyləncə, elm və texnologiya, sağlamlıq və fitnes, biznes və maliyyə, fotojurnalistika, multimedia və s. sahələri əhatə edən geniş sahədir.
Dövlət və İctimai Münasibətlər-ixtisaslaşdırılmış bakalavr proqramı ictimai işlərin bütün sahələrində dərhal effektiv təsir göstərmək gücünə malik yüksək intellektual siyasətçilər hazırlayır. Bu ixtisasın məzunları yerli, milli və regional səviyyələrdə özəl, qeyri-kommersiya və dövlət sektorlarında peşəkar həyatda üstünlüklərə malikdirlər.
3-cü Qruplara Məsləhətlər
Universitetlərə keçməzdən əvvəl qəbul imtahanına hazırlaşarkən nələrə diqqət etməli olduğunuz barədə danışaq. bir abituriyent olaraq seçdiyiniz ixtisaslasın həqiqətən tam fərdi istəyinizlə seçildiyindən əmin olmalı, bu ixtisasın prinsiplərini dərk etməli, bu ixtisası ətraflı və dərindən anlamalısınız. Bildiyimiz kimi imtahana hazırlıq dövrü müəyyən qədər çətin və qarışıq bir prosesdir. Bu çətinliklərlə başa çıxmağın bir neçə yolu var və bu yollar bir-birilərindən asılıdır. İlk olaraq yuxu rejimindən danışaq. Hər şeydən öncə sizə, bu prosesi uğurlu şəkildə kontrol etmək üçün enerji lazımdır. Gündə 8-9 saatlıq yuxu sizin beyninizin bu qarışıq dövrü idarə etməsi üçün çox vacibdir. Yuxu rejiminizi və bu prosesin digər elementlərini uğurlu şəkildə yerinə yetirmək üçün sizə lazım olan bir şey disiplindir. Disiplin zamanla formalaşır və bunu siz öz üzərinizdə icra edirsiniz. Disiplin qabiliyyəti görülməli işlərin çətinliyindən və yoruculuğundan asılı olmayaraq vaxtında və qaydasında görülmələrini sizə məcbur edir. Disiplinsiz başlanılan bir iş, işlərin gecikməsi və ya əməl olunmaması səbəbilə iflasa uğrayacaqdır. Bu disiplini qorumaq çətin işdir əlbəttə, bu sizin motivsiyanızdan asılıdır. Motivasiya sizin marağlarınız, gələcək planlarınız, karyeranız, kim olmaq istədiyiniz və ailənizdir. Motivasiyanızı heç bir zaman itirməməlisiniz, çünki bir şeyi istəmirsizsə onu məcburən etmək çox çətindir. Nə istədiyiniz bilməlisiniz. Necə edəcəyinizi bilməlisiniz. Gələcəkdə seçdiyiniz ixtisasın sizi hansı pillələrə, vəzifələrə daşıya biləcəyini bir düşünün. Tələbəlik həyatı bir qədər çətin ama çox maraqlı bir dövrdür. İndi isə gəlin biraz 3-cü qrupun universitetlərini tanıyaq.
3-cü Qrup Universitetləri
3-cü qrup sanballı və prestijli universitetlərlə seçilir. İxtisas çeşidliliyinin bol olması səbəbilə abituriyentlərin bu qrupda çoxlu universitetlərə qəbul olmaq şansı vardır.
- Azərbaycan Dövlət Pedaqoji Universiteti
- Azərbaycan Dövlət İqtisad Universiteti
- Bakı Dövlət Universiteti
- Azərbaycan Dillər Universiteti
- Azərbaycan Turizm və Menecment Universiteti
- Bakı Slavyan Universiteti
- Azərbaycan Respublikası Prezidenti yanında Dövlət İdarəçilik Akademiyası
- “ADA” Universiteti
- Azərbaycan Dövlət Mədəniyyət və İncəsənət Universiteti
- Azərbaycan Dövlət Rəssamlıq Akademiyası
- Milli Aviasiya Akademiyası
- Azərbaycan Respublikası Dövlət Gömrük Komitəsinin Akademiyası
- Naxçıvan Dövlət Universiteti
- Lənkəran Dövlət Universiteti
- Mingəçevir Dövlət Universiteti
- Sumqayıt Dövlət Universiteti
- Gəncə Dövlət Universiteti
- Azərbaycan Kooperasiya Universiteti
- Qərbi Kaspi Universiteti
- Xəzər Universiteti
- “Odlar Yurdu” Universiteti
- Bakı Biznes Universiteti
Qəbul imtahanına hazırlıq dövründə abituriyentlərin edə biləcəkləri ən yaxşı şeylərdən biri sınaqlarda özünü sınamaqdır. Əgər sizdə öz nəticənizi öncədən görmək, təcrübənizi artırmaq istəyirsinizsə Oxuyan.az platformumuzda aşağıdakı link vasitəsilə özünüzü sınaya bilərsiniz.
14,141 total views
