Hər il minlərlə abituriyent tələbə adını qazanır, ailəsindən və evindən uzağa, tanımadığı şəhərə köçür. Tələbələr və valideynlər üçün ən çətin məqamlardan biri kirayə ev və ya yataqxana axtarışıdır. Valideyn və tələbə həmin şəhəri tanımırsa, hələ o şəhərdə tanışları da yoxdursa, bu axtarış zülmə çevrilir. Yay aylarındakı o dəhşət isti, vaxt azlığı və stress içərisində kirayə ev axtarmaq əksər tələbələrin ilk narahatlığıdır. Oxuyan.az komandası olaraq bu yazımızda kirayə ev, yataqxana və otaq yoldaşı axtarışını stressiz və əziyyətsiz nəticələndirmək üçün Bonpini.az kimi möhtəşəm platforma ilə tanış edəcəyik.
Abituriyentlikdən tələbəliyə keçid
Abituriyentlik kimi çətin, səbir tələb edən, stresli bir dönəmdən sonra tələbəlik mərhələsi gəlir. Abituriyentlikdə çox çalışmaq, vaxtı düzgün idarə etmək, planlı olmaq kimi çətin məsuliyyətlər zamanı valideynləriniz yanınızda olur və komfort zonada olursunuz. Hər çətinlikdə ailəniz yanınızdadır və problemləri birlikdə həll edirsiniz. Tələbəlik illəri isə tamam fərqlidir. Siz artıq komfort zonadan kənara çıxırsınız, yeni şəhər, yeni insanlar tanıyırsınız. Çətin tərəfi isə siz ailənizdən uzaqlaşırsınız, problemləri özünüz həll etməlisiniz, düzgün qərarları verməyi öyrənməlisiniz və qarşınızda təcrübə üçün 4-5 iliniz var. Ən çətini isə öz evinizdən, öyrəndiyiniz rahatlıqdan uzaqlaşmaqdır. Əlbəttə, kirayə ev və otaq yoldaşı tapmağın da çətinliyi var. Rayonlarda yaşayan insanlar üçün paytaxtda ev və otaq yoldaşı tapmaq çox çətindir. Hətta sırf bu məsələyə görə təhsil almaqdan məhrum olan qızlar var. Çünki övladlarını yad bir şəhərə əmanət etmək, güvənmək, rahat olmaq bəsit məsələ deyil. Çətinlik görməyən, problem həll etməkdə usta olmayan yeni tələbə adını almış gənc üçün yeni həyata, yeni şəhərə, yeni insanlara, yeni təhsil müəssisəsinə adaptasiya olmaq çətindir. İlk iş isə kirayə ev, yaxud yataqxana və güvənə biləcəyin ev yoldaşları tapmaqdır. Hər universitetin yataqxanası olmur, bəzən universitet yataqxanaları qənaətbəxş olmur.
Bəzən bəzi tələbələr yataqxana deyil, evdə qalmağı üstün tutur. Bütün seçimləri nəzərə aldıqda isə uyğun yerdə ev və otaq yoldaşı axtarmaq nisbətən çətinləşir.
Kirayə ev tapmağın çətinlikləri
- Şəhəri kifayət qədər tanımamaq
- Yeni köçəcəyin şəhərdə tanışlarının olmamağı
- Vaxt azlığı
- Təhsil müəssisəsinə yaxın ərazidə ev tapmamaq
- Marşrut xətlərinə yaxın ərazilərdə evlərin baha olması
- Fırıldaqçılara rast gəlmək
- Ev tapa bilməmək stresi
- Ev sahiblərinin tələbələrə güvənməməsi, xüsusilə oğlan tələbələrə ev təhvil verməməsi
Kirayə ev, yataqxana, ev yoldaşını necə asanlıqla tapmaq olar?
Adətən kirayə ev axtarışını iki cür edirlər: yaxın ətrafından maraqlanaraq və ya küçə-küçə daşınmaz əmlak agentliklərini gəzərək. Əlbəttə ki, hər ikisi uzun və yorucu prosesdir. Təəssüf ki, həmişə insaflı maklerlərə rast gəlmək olmur. Ən yaxşı halda bir neçə gün axtardıqdan sonra ev tapılır. İkinci problem otaq yoldaşı tapmaq olur. Etibarlı, güvənə biləcəyin, dürüst ev yoldaşı tapmaq çox çətindir. Bir tələbənin tək qalması qeyri-real görünür. İstər evin kirayə haqqı, istər evdə yaşam prinsipləri cəhətdən bir neçə tələbənin birlikdə qalması ən ideal seçimdir. Kirayə haqqı, kommunal xərclər, evə lazım olan əşyalar və ərzaqlar bir neçə tələbənin ortaq büdcəsindən ödəndikdə minumum məbləğə düşür, nəinki bir tələbənin tək ödəməsi. Bunları nəzərə alaraq seçim etsəniz, daha düzgün qərar verərsiniz.
Ev, yataqxana və yaxud otaq yoldaşı axtarırsınızsa, sizə müjdə. Hər birini stress yaşamadan, onlayn şəkildə tapmaq mümkündür. Çünki insanların narahatlığını, problemlərini düşünərək otaq yoldaşı, ev və yataqxana axtarışını bir platformada həll edən, tez tapılmasını təmin edən bonpini.az var. Siz bu platformadan istifadə edərək qısa müddətdə, yorulmadan, stress yaşamadan kirayə ev və yataqxana və yaxud otaq yoldaşı tapa bilərsiniz.
Bonpini nədir?
Bon Bini Papyamento dilində “xoş gəlmisən” deməkdir. Bonpini.az kirayə ev, kirayə ofis, yataqxana, hətta otaq yoldaşı tapa biləcəyiniz, onlayn xidmət göstərən möhtəşəm bir platformadır. Bonpini-nin əsas məqsədi eyni maraqları olan insanları bir məkanda birləşdirərək büdcələrinə qənəat etmək, sosiallaşmaq və yeni əlaqələrin qurulması üçün imkanların verilməsidir.
Ev, yataqxana axtarırsınızsızsa bonpini.az saytına daxil olursunuz, mənzil və yaxud yataqxana elanlarına baxırsınız, qiymət və ərazi olaraq sizin üçün ən uyğununu seçirsiniz. Evə baxmaq, əlaqə saxlamaq və ünvanı əldə etmək üçün büdcənizə uyğun xidmət paketi əldə edirsiniz və evlərə canlı baxış keçirdikdən sonra seçdiyiniz evə köçürsünüz. Vaxt və enerji itirmədən. İşinizi rahatlaşdıracaq digər məsələ isə ev yoldaşı tapmaqdır. Elanlarda otaq yoldaşı axtaran şəxslər də var. Özünüzə ən uyğun evi və otaq yoldaşını tapmaq bonpini.az tərəfindən çox sadələşdirilib.
Bonpinin üstünlükləri
Əminliklə güvənəcəyiniz bir platformadır. Ev elanlarına baxarkən bunu müşahidə edəcəksiniz. Ən xırda detallara qədər qeyd olunub. “Şərt şumda kəsilir” yəni. Məsələn, siz elanda seçim edə biləcəksiniz ki, evdə siqaret çəkilə bilərmi, ya yox. Yaxud evə əks cins qonaqlar dəvət edilə bilərmi, ya yox. Bunun kimi valideynləri və sizi narahat edən məsələləri öncədən danışıb razılaşacaqsınız.
Vaxtınıza qənaət edəcəksiniz. Küçə-küçə, günlərlə ev axtarmaq əzabından xilas olacaqsınız. Rahatca,evdən onlayn şəkildə həll edə biləcəksiniz.
Əksər vaxt ev sahibləri tələbələrə ev vermir və yaxud güvənmir. Xüsusilə oğlan tələbələr ev tapmaqda çətinlik çəkir. Bonpini.az isə belə bir ayrıseçkilik etmir. Həm bəylər, həm xanimlar üçün evlər və yataqxanalar mövcuddur. Özünüzə ən uyğununu seçə bilərsiniz.
Otaq yoldaşı tapmaq da bonpini.az-da çox rahatdır, çünki sırf otaq yoldaşı axtaran insanlar da saytda elan yerləşdirə bilər.
Kirayə ev, yoxsa yataqxana?
Tələbələrin qərarsızlıqlarından biri budur. Seçim edərkən siz xarakterinizi, istəklərinizi, büdcənizi və vaxtınızı nəzərə almalısınız. Əgər siz sakitliyi, çalışmağı sevirsinizsə, kiray ə evi seçə bilərsiniz. Ancaq kirayə evi seçərkən nəzərə almalısınız ki, evin bütün problemlərini siz və otaq yoldaşlarınız həll etməlisiniz, həftəlik təmizlik və yeməyi də özünüz nizama salmalısız. “Öz əlim, öz başım” fikrindəsinizsə, həm rahatlığı, həm də problem həll etməyi seçirsinizsə, kirayə evlər tam sizlikdir.
Əgər siz, sosial insansınızsa, çox insan tanımaq istəyirsinizsə, birlikdə məşğuliyyətlər edəcəyiniz dostlarla qalmaq istəyirsinizsə, yataqxanaları seçə bilərsiniz. Adətən yataqxanalarda təmizlik və yemək xərcləri aylığa daxil olur və bu məsələlərlə sahibkar maraqlanır. Bunları nəzərə alaraq seçim edə bilərsiniz. Hər bir halda şərtləri öncədən müəyyənləşdirmək lazımdır ki, sonradan problemlər yaşamayasınız.
Ev və yataqxana elanları üçün nəzər sala bilərsiniz: https://bonpini.az/
1,469 total views
