Elmlərin tacı hesab edilən riyaziyyat ibtidai sinifdən başlayaraq universitet təhsili boyunca tədris edilir. Həyatımızın istənilən məqamında qarşılaşa biləcəyimiz bir çox problemləri riyazi biliklərimiz hesabına asanlıqla həll edə bilərik.
Məhz riyazi biliklərin insanda formalaşması məntiqi və analitik düşüncənin inkişafına səbəb olur. Keçmiş illərlə müqayisədə indi istənilən mövzu haqqında məlumatların əlçatan olması fənlərin daha asan mənimsənilməsinə gətirib çıxarır.
Bundan əlavə, şagirdlər fənnin tədrisi boyunca öyrəndiklərini çox sayda sınaq testləri/imtahanları işləyərək daha yaxşı mənimsəyə bilərlər. Bildiyimiz kimi, Dövlət İmtahan Mərkəzinin proqramı əsasında hazırlanmış test toplularının qiyməti bir çox hallarda nisbətən bahalı olduğu üçün şagirdlərin hər biri üçün əlçatan olmur.
Əvvəllər bu böyük bir problem olsa da , hal -hazırda ciddi məqam hesab edilməyə bilər. Belə ki, buraxılış və qəbul imtahanlarına hazırlaşan şagirdlər sadəcə bir toxunuşla “Oxuyan.az” platformasına daxil olaraq, istənilən fənlər üzrə (riyaziyyat, kimya, fizika, tarix, ingilis dili, azərbaycan dili və.s) çox saylı sınaq testlərində və imtahanlarında iştirak edə bilərlər.
Təcrübələr göstərir ki, sınaq testləri həll edilərkən ən çox səhvə yol verilən fənlərdən biri məhz riyaziyyat fənnidir. Bu səbəbdən dolayı, məsələ ilə bağlı öz təcrübəmizi sizlərlə bölüşəcəyik.
Riyaziyyat testlərində uğur qazanmaq üçün bəzi önəmli məsləhətlər
Qeyd edəcəyimiz bu məsləhətlər şagirdlərə və tələbələrə riyaziyyat imtahanında və ya sınaqlarında daha rahat uğur qazanmağın sirrini öyrətməyə kömək edəcək!
Çoxlu sınaq testlərində iştirak edin
Çoxlu sınaq testlərində iştirak edin və səhvlərinizi hər zaman gözdən keçirib həqiqətən testlərinin hər birinin sizə aydın olduğuna əmin olun. Araşdırmalar göstərir ki, bu, şagirdlərin vaxtlarını daha səmərəli keçirmələrini təmin edir və onların riyaziyyat fənni ilə bağlı həyata keçirilən istər qapalı, istərsə də açıq testlərdə müvəffəqiyyət qazanmağına birbaşa təsir edir.
Hər zaman imtahan öncəsi mövzu sınaq testləri həll etdiyinizdən əmin olun. Oxuyan.az platformasında sizlər istənilən mövzuda,xüsusilə də, DİM-in imtahan bazasına daxil edilmiş mövzular ətrafında onlayn riyaziyyat sınaq testləri işləyə bilərsiniz.
Bu cür davamlı onlayn sınaq testləri etmək sizin hər birinizin istər qəbul, istərsə də buraxılış imtahanlarında daha hazırlıqlı olmağınıza şərait yaradacaq.
Sualları oxuyarkən ən əsası tələsməməyə çalışın.
Sualları oxuyarkən ən əsası tələsməməyə çalışın.Tələskənlik bir çox hallarda riyaziyyat testlərini yanlış cavablandırmağımıza gətirib çıxarır. Bu zaman yaranmış ən geniş səhvlərdən biri hesablamalar zamanı ya mexaniki səhvlər etmək, ya da ki, sualı sürətli şəkildə oxuduğumuza görə əslində çox sadə məzmunu olan sualları düzgün təhlil edə bilməməyimizdir.
Problemləri həll edərkən sakit və gərginlikdən uzaq olun, çünki bu, vaxtınıza qənaət etməyə yardım edəcəkdir. Bəzən həddindən artıq düşünmək sizi ləngidir və nəticənizin aşağı olmasına gətirib çıxarır.
Beləliklə, bir az şüurlu və sağlam düşüncə ilə ən sadə səhvləri aradan qaldıra və imtahanl nəticələrinizi yüksəldə bilərsiniz. İmtahan zamanı sualları həll edərkən hər bir sualı səliqəli şəkildə yazmağı unutmayın.
Bu məqam sizə imtahan zamanı yazdığınız suallara sonradan geri donüb yenidən analiz etməyinizə kömək edəcək və səhviniz olduğu təqdirdə, asanlıqla aradan qaldırmağınıza şərait yaradacaqdır.
Riyaziyyat testlərini həll edərkən vaxtınızı düzgün şəkildə ayırın.
Riyaziyyat fənnini digər imtahanlardan fərqləndirən əsas cəhətlərdən biri nəzəri suallarının azlığı və sualların əksəriyyətinin riyazi hesablama tələb etməsidir. Bu baxımdan onlayn ryaziyyat testləri edərkən hər bir suala minimum vaxt ayırmağa cəhd edin.
İlk olaraq bildiyiniz sualları həll etməkdən başlayın. Bu sizə həm yaxşı əhval- ruhiyə verəcək, həm də ki, vaxta qənaət etməyinizə gətirib çıxaracaq. Unutmamaq lazımdır ki, imtahan vaxtı limitlidir və imtahanlar zamanı zamanı idarə etmək ən önəmli məqamlardan biridir.
Məhz Oxuyan.az platformasında sizlər onlayn sınaq testləri həll edərkən zamana qarşı yarışacaqsınız. Bu isə öz növbəsində sizlərin istənilən riyaziyyat imtahanına daha hazırlıqlı olmağınıza və vaxtı düzgün şəkildə istifadə etməyinizə birbaşa təsir edəcək.
Mövzu testləri həll edərkən yeni və nisbətən çətinləşdirilmiş testləri həll etməyə çalışın.
Mövzu testləri həll edərkən yeni və nisbətən çətinləşdirilmiş testləri həll etməyə çalışın. Bunun sizə nə kimi faydası ola bilər düşünürsünüzsə, ətraflı şəkildə cavablandırmağa çalışaq. Hər birimiz bilirik ki, Dövlət İmtahan Mərkəzi buraxılış və eləcə də qəbul imtahanlarında cari ilə qədər keçirilən dərs proqramının əsasında suallar tərtib edir.
Bu səbəbdən dərs tapşırıqlarını gündəlik həll edən və dərsdə keçirilən mövzulara hakim olan şagird imtahanda 70-80% heç bir çətinlik çəkməyəcək. Amma yeni və nisbətən çətin hesab edilə bilən riyaziyyat suallarını həll etmək sizlərin analitik düşünmənizə və hətta, sizə tanış olmayan istənilən suala yanaşmanızın olmağına kömək edəcək.
Oxuyan.az platformasının sizlərə təklif etdiyi istənilən mövzuda (riyaziyyat testləri, fizika testləri, kimya testləri, online bilik yarışı) sınaq imtahanları sizlərdə bu baxımdan çox böyük irəliləyişlər əldə etməyinizə səbəb olacaq.Nəticə etibarı ilə, fənn bilik yarışmalarında və digər əhəmiyyətli imtahanlarda uğur qazanmaq ehtimalınız bir neçə dəfə artacaq.
Riyaziyyatdan sınaq testləri edərkən həllini bilmədiyiniz sualların cavablarını cavablandırarkən təsadüfi cavablar yazmağa çalışmayın.
Riyaziyyatdan sınaq testləri edərkən həllini bilmədiyiniz sualların cavablarını cavablandırarkən təsadüfi cavablar yazmağa çalışmayın. Bir çox hallarda test edərkən sualı necə həll edəcəyimiz haqda heç bir ideyamız olmadıqda qapalı testlərə təsadüfi variant yazdığımız hallar olub.
Təəssüf ki, bu gedişi açıq tipli suallara tətbiq etmək olmur. Ona görə məsləhətdir ki, bu texnikanı təkmilləşdirmək əvəzinə sualların həll yolunu öyrənməyə çalışın. Dəyərli zamanınızı daha səmərəli şəkildə elə istifadə edin ki, bu sizin gələcək fəaliyyətinizin bünövrəsini daha möhkəm inşa etməyə şərait yaratsın.
Sonda isə qeyd etmək istərdik ki, təkcə riyaziyyat imtahanında deyil, bütün imtahanlarda uğurlu nəticənin əsas sirri daha həvəsli və sistemli şəkildə çalışmaqdır. Heç bir zaman həvəsdən düşməyin və imtahanlara heç bir zaman xaotik şəkildə hazırlasmayın.
Oxuyan komandası olaraq qarşıda buraxılış və qəbul imtahanı olan hər bir gəncə uğurlar arzu edirik.Əgər siz də ən son bloqlarımızı oxumaq istəyirsinizsə, Oxuyan platformasında blog bölməsini izləməyi unutmayın. İmtahanlara hazırlaşmaq üçün isə online imtahanlar bölməmizi ziyarət edə bilərsiz.
2,309 total views
