Ödənişsiz imtahanlar və online sınaq imtahanlarında iştirak qəbul imtahanlarına hazırlaşan abituriyentlər və magistratura imtahanının yaxınlaşdığını duyan bakalavr tələbələri üçün ən vacib elementlərdən biridir.
Gecə və gündüz demədən, əzmlə hədəfə çatmaq yolunda irəliləyən bu gələcəyin həkimləri, mühəndisləri, müəllimləri və s. biliklərini sınamaq üçün sınaq imtahanlarında iştirak etməli və ortaya çıxan çatışmazlıqları tamamlamalıdırlar. Son dövrlərdə müxtəlif özəl təhsil müəssisələri, kurslar, hazırlıq mərkəzləri və hətta orta məktəblər sınaq imtahanlarının təşkilinə önəm verir. Hər il Dövlət İmtahan Mərkəzi (DİM) ali məktəblərə qəbul imtahanı formatında sınaq imtahanları təşkil edir.
Sınaq imtahanları nə üçün bu qədər önəmlidir?
Sınaq imtahanları hər il mütəmadi olaraq təşkil edilir. Qəbul imtahanına hazırlaşan abituriyentlər sınaq imtahanlarında iştiraka daha çox önəm verirlər. 11 illik hazırlığın sadəcə bir imtahan üçün olmadığını nə qədər dərk etsək də, həmin 3 saatda abituriyentlərin göstərdiyi performans onların gələcək taleyini və karyeralarını həll edir. Abituriyentlər üçün bu imtahanın önəmi danılmazdır və müvəffəq olmaq üçün peşəkar hazırlıq vacibdir.
Sınaq imtahanları stresin idarəolunmasını asanlaşdırır.
Statistikaları göz önünə gətirdikdə məlum olur ki, tələbə və abituriyentlərin qeyri-müvəffəq nəticə göstərmələrinin əsas səbəblərindən biri də uğursuz nəticə göstərmək qorxusu və bundan qaynaqlanan stresdir. Belə ki, imtahan iştirakçıları imtahanın uğurlu keçməsini xəyal edərək özlərini motivasiya etmək yerinə “Kəsilsəm, nələr olacaq?” fikri ilə öz müvəffəqiyyət yollarına baryer qoyurlar. Sınaq imtahanlarında mütəmadi iştirak stressi azaldır və abituriyentləri bir növ qəbul imtahanı mühitinə uyğunlaşdırır.
Pulsuz online imtahan səhifəmizi ziyarət edin. Ödənişsiz imtahanlar sizə hazırlıq prosesində xeyli yardımçı olacaq.
Öyrənmə prosesində müşahidə olunmayan çatışmazlıqları sınaq imtahanları “ifşa edir”.
Aburiyentlərin böyük hissəsi öz istirahətlərini öyrənməyə “qurban verərək” ancaq dərsləri ilə məşğul olmağa can atırlar. Bəs bu nə qədər effektivlidir? Daim dərslərlə məşğul olmaq insanda yorğunluq və bununla paralel olaraq “doluluq” (ingiliscə “fulfilling”) hissi yaradır. Bu psixoloji duyğu sizə hər şeyi mükəmməl şəkildə öyrəndiyiniz hissini yaradacaqdır. Ancaq bu belə deyil. Gərgin dərs rejimində öyrənməyə meyilli olan şəxslərdə yaranan yorğunluq hissi onlarda öyrəndikləri biliyinin natamam şəkildə qavranılmasına və lazımi biliklərin yaddan çıxmasına səbəb ola bilər. Sınaq imtahanları bu faktı imtahanda “üzə çıxarır”, onu bir növ “ifşa edir”. Nəticədə abituriyent hansı mövzuda daha çox işləməli olduğunu öyrənmiş olur.
Sınaq imtahanları abituriyentlər arasında rəqabəti gücləndirir.
İstənilən sahədə formalaşdırılan və ya formalaşdırılmalı olan rəqabət mühiti daima həmin sahəni inkişafa aparır. Abituriyentlər arasında bu mühiti yaratmaq birbaşa müəllimlərin üzərinə düşür. Sınaq imtahanlarının rəqabət mühitinin gücləndirilməsində rolu danılmazdır. Mütəmadi sınaq imtahanlarında iştirak edən abituriyentlər əldə etdikləri nəticələri müqayisə edərək daim daha yaxşı olmağa can atırlar. Sözsüz ki, bundan ötrü daha çox və daha effektiv çalışmaq lazımdır. Şagirdlər arasında bu əyləncəli yarışa çevrilən rəqabət onları sınaq imtahanlarında daim iştiraka sövq edir və öz dərslərinə daha məsuliyyətlə yanaşmalarına şərait yaradır.
Bəs təhsil alanları online sınaq imtahanlarında iştiraka cəlb etmək üçün nə etmək lazımdır?
Çox təəssüflər olsun ki, günümüzdə abituriyentlərin hamısının online sınaq imtahanlarında iştirak etməsini təmin etmək mümkün olmur. Sınaq imtahanlarına çəkilən xərcin qiymətlərdə əks olunması, mərkəzləşdirilmiş imtahanlar, mövcud karantin rejiminin məhdudlaşdırıcı reallıqları və s. imtahanlarda iştirakı çətin və bezdirici fəaliyyətə çevirir. Bütün sadaladığımız cəhətlər onlayn imtahanlardan istifadəni aktuallaşdırır. Oxuyan.az platforması sizə heç bir təhsil müəssisəsinə yaxınlaşmadan, pulsuz online imtahan və sınaq testləri təklif edir.
Onlayn Ödənişsiz imtahanlar nə üçün prioritet olmalıdır?
Ənənəvi sınaq imtahanları kağıza və real təmasa əsaslanır. Bu imtahanlara çəkilən xərc o qədər çox olur ki (sual kitabçalarının hazırlanması, imtahan vərəqlərinin təşkili, nəzarətçilərin cəlb olunması, mərkəzləşdirilmiş imtahan binaları və s.), sərf olunan maliyyə imtahanların qiymətlərində 10-25 azn-ə qədər fərq yaranmasına gətirib çıxarır. Bu kimi problemlər sınaq imtahanlarının hər həftə və ya hər ay təşkil olunmasına əngəl yaradır. Bundan başqa əksər ailələrin büdcələri övladını hər 12 azn-lik sınaq imtahanlarına göndərməyə imkan vermir. Pulsuz sınaq imtahanları öz üstün cəhətləri ilə tədricən ənənəvi imtahanları əvəz etməkdədir. Əgər elə indi siz də sınaq imtahanında iştirak etmək istəyir, ancaq bunu necə edəcəyinizi bilmirsinizsə, videoya keçid edə bilərsiniz:
Pulsuz sınaq imtahanları ailə büdcəsinə qənaət edir.
Daha əvvəl də vurğuladığımız kimi ənənəvi sınaq imtahanlarına mütəmadi qoşulmaq üçün böyük maliyyə tələb olunur. Ancaq maddi durumu zəif olan abituriyentlərin sınaq imtahanlarından məhrum olması ədalətli qərar olmazdı. Bundan başqa mərkəzi imtahan binasına getməyiniz və vaxtında imtahanda olmağınızı təmin etməyiniz üçün nəqliyyata əlavə xərc çəkməyiniz vacibdir. İmtahanların əksəriyyətinin səhər saatlarında olduğunu nəzərə alsaq, sizin tıxacda qalaraq imtahana gecikməyiniz də istisna deyil. Bakının kənar rayonlarında yaşayan şagirdlər bəzən imtahana gəldikdə 2-3 nəqliyyat vasitəsi dəyişməyə və ya taksidən istifadə etməyə məcbur olurlar. Bu da əlavə xərcdir. Pulsuz sınaq imtahanlar ilə sadaladığımız səbəblərdən çəkdiyiniz xərci başqa ehtiyaclarınıza yönləndirə bilərsiniz.
Qeyri-adi səslənsə də, ödənişsiz imtahanlar imkansızlıq altında gizlənmiş dahiləri üzə çıxara bilər.
Acı reallıq bundan ibarətdir ki, bu gün imkansızlıq səbəbindən yüzlərlə şagird təhsildən geri qalır. Bununla bərabər hazırlıqlara gedə bilməyən və ya maddi vəziyyəti ancaq repititorlara ancaq yetişən ailələrin övladları, təəssüf ki, ənənəvi sınaq imtahanlarında iştirak edə bilmir. Bəlkə də, bu ailələrdə xərçəngin müalicəsini tapacaq alim, milyonları dəhşətli pandemiyalardan xilas edəcək həkim yaşayır. Ser Aleksandr Fleminqin hekayəsini, yəqin ki, eşitmisiniz. Ödəniş sınaq imtahanları bu şagirdlərin ənənəvi sınaq imtahanlarına əlavə xərc çəkmək yükündən azad edəcək və onları təhsildə bir addım qabağa atacaq. Bunun üçün yeganə şərt aktiv internet bağlantısına sahib olmaq və ya internet şəbəkəsi olan mühit tapmaqdır. Bəlkə də, bizim aktuallaşdıracağımız ödənişsiz imtahanlar elmə daha bir Fleminq bəxş edəcək və ya başqa bir Nyutonu qaranlıqdan işıq üzünə çıxaracaqdır.
Əgər siz də ən son bloqlarımızı oxumaq istəyirsinizsə, Oxuyan platformasında blog bölməsini izləməyi unutmayın. İmtahanlara hazırlaşmaq üçün isə online imtahanlar bölməmizi ziyarət edə bilərsiz.
4,189 total views
